剛看了世界巡迴表演的「與龍同行」，勁！造得好靚，上年哥哥在大西洋城看了頭等座位之後極力介紹，怎料今年香港有得演馬上仆到去買飛，也是坐頭等，但偏左點。兄弟二人兒時最想看見一比一的恐龍，這一次的確難忘。
只有一個少缺點，就係後面有個男人由頭彈到尾，又話郁唔夠勁，又話唔夠嚇人，查實他知唔知「與龍同行」係記錄片而唔係恐怖片呢？他還自以為事的白他的高貴女伴說教，說恐龍絕種是因為太大，地球D嘢比牠們食晒所以餓死晒。人類自以為很聰明，凌駕其他生物之上，把地球D嘢用晒的是我們而非恐龍，再講恐龍统治地球長達億年，人類存在只是很短時間，要餓死早就餓死了，還可挨億幾年嗎？
不禁要找恐龍問這位先生：「你老幾呀？」
